Берово, 2 септември 2024 (МИА) - Обуката за прва помош за кандидатите кои полагаат возачки испит отсега ќе се одвива во нова сопствена просторија, информираа од Црвен Крст Берово.

Целта, како што истакнаа оттаму, е обезбедување подобри услови за идните возачи.

- Ги известуваме кандидатите за полагање возачки испит кои задолжително треба да ја поминат обуката за прва помош дека отсега обуките за слушање и полагање по прва помош, ќе се одвиваат во нашата сопствена, новоотворена училница. Ова претставува чекор напред во зголемувањето на нашите капацитети и подобрувањето на стандардите на Црвен Крст - Берово. Со ова овозможуваме подобри услови за сите учесници, што ќе доведе до поголема ефективност и квалитет во нашите програми, истакнаа од Црвен Крст Берово.

Досегашната просторија ја користеа кандидати од Берово и Пехчево, а таквата пракса, додаваат, ќе важи и при користењето на новата сопствена училница. вс/цр

Фото: МИА