Ходорковски повика да му се помогне на Пригожин против режимот на Путин
- „Дури и на ѓаволот треба да му се помогне доколку реши да оди против овој режим. Овој бандит (Пригожин) сака да го вознемири другиот бандит (Путин). Сега не е време да се мрштиме и цупкаме, сега е време да му помогнеме“, напиша Ходорковски на каналот Телеграм, јасно ставајќи до знаење дека сега треба да му се помогне на лидерот на „Вагнер“
![Ходорковски повика да му се помогне на Пригожин против режимот на Путин](https://new.mia.mk/images/20230624093302_big_730x400_11.webp )
Лондон, 24 јуни 2023 (МИА) – Поранешниот руски олигарх и сегашен противник на Кремљ, Михаил Ходорковски, повика да му се помогне на шефот на приватната воена компанија „Вагнер“ ,Евгениј Пригожин. Чии борци објавија бунт против руската армија, пренесуваат француските медиуми.
„Дури и на ѓаволот треба да му се помогне доколку реши да оди против овој режим. Овој бандит (Пригожин) сака да го вознемири другиот бандит (Путин). Сега не е време да се мрштиме и цупкаме, сега е време да му помогнеме“, напиша Ходорковски на каналот Телеграм, јасно ставајќи до знаење дека сега треба да му се помогне на лидерот на „Вагнер“. сд/
фото:архива