Филмот за Мерилин Монро, со Ана де Армас, ќе биде објавен годинава
- Филмот за славната Норма Џин насловен „Русокоса“ доби назнака 17 плус. Во него глумат и Адриан Броди, Боби Канавејл и Каспар Филипсон како Џон Кенеди.
![Филмот за Мерилин Монро, со Ана де Армас, ќе биде објавен годинава](https://new.mia.mk/images/20221112154039_big_730x400_9.webp )
Лос Анџелес, 24 март 2022 (МИА) - Нетфликс објави дека новиот биографски, но „фикционализиран“ филм за Мерилин Монро, со кубанско-американската глумица Ана де Армас во главната улога,
е завршен и ќе биде објавен на стрим-платформата оваа 2022 година. Tочниот датум на објавување не е соопштен.
Филмот за славната Норма Џин (со уметничко име Мерилин Монро), насловен „Русокоса“ (Blonde), доби назнака 17 плус. Во него глумат и Адриан Броди, Боби Канавејл, Каспар Филипсон како Џон Кенеди и др.
Режијата е на Ендрју Доминик, кој го напиша и сценариото врз основа на романот на Џојс Керол Оутс.
Ана де Армас деновиве е актуелна со филмовите „Џејмс Бонд 007: Не е време за умирање“ и еротскиот трилер „Длабока вода“ во којшто глуми покрај поранешното момче Бен Афлек. си/
![Ана де Армас како Мерилин Монро](/articles/images/%d1%84%d0%b8%d0%bb%d0%bc%d0%be%d1%82-%d0%b7%d0%b0-%d0%bc%d0%b5%d1%80%d/vYo0RWRUf/placeholder.webp?use_watermark=0)