Убедлив триумф за македонските фудбалери на натпреварот со Гибралтар
- Македонската фудбалска репрезентација забележа убедлива победа со 4:0 вечерва против Гибралтар на Националната арена „Тодор Проески“ во Скопје.
![Убедлив триумф за македонските фудбалери на натпреварот со Гибралтар](https://new.mia.mk/images/20221113154656_big_730x400_93.webp )
Скопје, 12 јуни 2022 (МИА) – Македонската фудбалска репрезентација забележа убедлива победа со 4:0 вечерва против Гибралтар на Националната арена „Тодор Проески“ во Скопје.
Средбата од Лигата на нации беше решена по само 15-ина минути игра кога на семафорот стоеше 3:0 за домаќинот.
Избраниците на селекторот Благоја Милевски од самиот почеток покажаа одлучност да ги освојат бодовите и веќе во 4. минута поведоа преку Енис Барди. Следуваа два погодока на Бојан Миовски (14 и 16. минута) за убедливи 3:0. До крајот на првото полувреме Дарко Чурлинов (31. минута) зголеми на 4:0.
Во второто полувреме мрежите на двете страни мируваа.
Ова е втор триумф за Македонците во меѓусебните дуели во јунскиот циклус. Пред една недела во Гибралтар резултататот беше 2:0.
На другиот натпревар од четвртата група во Ц-цегментот Грузија и Бугарија одиграа нерешено 0:0.
По три кола македонскиот национален тим има седум бода и е втор на табелата, зад лидерот Грузија која има бода 10 бода. Бугарија е трета со три Гибралтар е последен со еден освоен бод. зс/
![барди ЕПА](/articles/images/%d1%83%d0%b1%d0%b5%d0%b4%d0%bb%d0%b8%d0%b2-%d1%82%d1%80%d0%b8%d1%83%d0/gyoEMUYUm/placeholder.webp?use_watermark=0)
![миовски ЕПА](/articles/images/%d1%83%d0%b1%d0%b5%d0%b4%d0%bb%d0%b8%d0%b2-%d1%82%d1%80%d0%b8%d1%83%d0/57bYDhPZQ/placeholder.webp?use_watermark=0)
![фудбал мкд ЕПА](/articles/images/%d1%83%d0%b1%d0%b5%d0%b4%d0%bb%d0%b8%d0%b2-%d1%82%d1%80%d0%b8%d1%83%d0/sFVcpBaMd/placeholder.webp?use_watermark=0)