Вашингтон, 30 декември 2024 (МИА) - Новоизбраниот американски претседател Доналд Трамп денеска ја изрази својата целосна поддршка за Мајк Џонсон, актуелниот претседател на Претставничкиот дом, кој се подготвува за реизбор на 3 јануари. Џонсон се соочува со тесно републиканско мнозинство во Конгресот.

„Мајк Џонсон е посветен, вреден и религиозен човек. Ја има мојата целосна поддршка“, објави Трамп на неговата платформа „Truth Social“.

Поддршката на Трамп се смета за клучна за шансите на Џонсон да го задржи лидерското место. Некои републиканци, сепак, го критикуваа Џонсон за наводна наклонетост кон демократските предлози. ссм/

фото: архива