Лондон, 25 декември 2024 (МИА) - Тотенхем сака да ја активира опцијата за продолжување на договорот на една година со напаѓачот Сон Хеунг-Мин, објави инсајдерот Фабрицио Романо на социјалната мрежа Икс.

Актуелниот договор на корејскиот фудбалер е до летото 2025 година.

Претходно се појавија информации за интерес за фудбалерот од страна на Барселона, Реал Мадрид, Атлетико Мадрид и Манчестер јунајтед.

Оваа сезона 32-годишниот Сон настапи на 20 натпревари во сите натпреварувања, постигна седум гола и беше творец на шест асистенции. зс/

Фото: ЕПА