Торта „Чоколадно срце“ со три вида чоколадо
- Чоколадната торта никого не остава рамнодушен... Посебно ако е направена од вистинско чоколадо, без глутен, без шеќер, без јајца и без печење. Со едноставни зафати, ова „Чоколадно срце“ се по
![Торта „Чоколадно срце“ со три вида чоколадо](https://new.mia.mk/images/20221105203818_big_730x400_94.webp )
Скопје, 15 февруари 2021 (МИА) - Чоколадната торта никого не остава рамнодушен... Посебно ако е здрава и направена од вистинско чоколадо, без глутен, без шеќер, без јајца и без печење. Со едноставни зафати, ова „Чоколадно срце“ се подготвува со три вида чоколадо.
Подготовка за првиот слој:
- 150 грама бадеми,
- 50 гр. исушен кокос во трошки,
- 3 лажици јаворов сируп (или течен засладувач - Ваш избор).
Тоа се сечка и потоа цврсто се притиснува на дното на калапот.
За кремот од какао, поребни се:
- 200 милилитри вода,
- 300 гр. индиски ореви (претходно натопени 30 минути),
- 100 мл. јаворов сируп,
- 60 гр. стопен путер со какао,
- малку хималајска сол,
- малку ванила во прав (не е задолжително),
- малку кардамон во прав (не е задолжително).
Сè тоа се става во блендер, сè додека не се добие еднолична крема. Потоа одделете 300 гр. од смесата и оставете ги настрана. Потоа, додадете 20 гр. какао во прав и 2 лажици јаворов сируп на преостанатиот крем во блендерот и изблендирајте.
Наизменично додавајте три лажици од белиот издвоен и црн крем - со повеќе какао - за да добиете црно-бело шаренило, сè додека не ја потрошите целата крем-смеса. Замрзнете ја смесата на еден час.
На крајот е глазурата од чоколадо:
- 50 гр кокосово масло, стопено,
- 2 лажици јаворов сируп,
- 2 лажици вода,
- 15 гр какао во прав.
Тоа се мати во сад и се прелива на тортата. Вратете ја тортата во замрзнувач на најмалку три часа или - преку ноќта пред да ја послужите. Таа треба да се стврдне доволно, за да може да се сече. Послужете ја со џем од малина или цреша. си/