Мајами, 27 ноември 2024 (МИА) - Напаѓачот на Интер Мајами, Луис Суарез, потпиша нов договор, пренесе официјалниот сајт на клубот. Новиот договор со 37-годишниот Уругваец е до крајот на сезоната 2025 година во МЛС на САД и Канада.

Суарез дојде во Интер Мајами од Гремио во јануари оваа година. Оттогаш, тој одигра 37 натпревари за американскиот тим, постигнувајќи 25 гола и 12 асистенции.

Пред тоа, Суарез играше и за уругвајски Национал, холандски Гронинген и Ајакс, Ливерпул, Барселона и Атлетико Мадрид.

Напаѓачот има 69 гола на 143 натпревари за репрезентацијата на Уругвај. дс

Фото: Архива