Скопје, 29 март 2023

Артан Груби манипулира за дивоградба од преку 160 м² без одобрение!

Во Бутел, во Радишани, од општината е сопрена започната градба на диво за која што има основано сомневање дека зад неа стои Артан Груби, а градител е негов братучед!

Груби се смета за толку моќен и над законот, што може со партиско соопштение да дозволи градба без документи! И ако стане видлив криминалот, или нелегалноста, тој смета дека може да се повика на партијата и функцијата и со тоа да остане неказнет.

Објект од преку 160 м² да никне без одобрение и решение од општината!

Никој не е против градба ниту сопирањето има етничка заднина, ВМРО- ДПМНЕ е против криминалот, а градење без документи е криминал! И тоа го боли Артан Груби!

Артан Груби злоупотребува партиски соопштенија и повикува на етнички мотивирани дејства, само затоа што е сопрена дивоградба!

Кога Груби преку партиски соопштенија ја манипулира јавноста дека наводно некој забранува Албанци да градат во општините, притоа злоупотребувајќи го албанскиот етникум за политички цели, Артан Груби мислел на семејната дивоградба, градба за која се уште нема дозвола!

Се додека Артан Груби смета дека етничката припадност е професија и е основа за неказнивост тој нанесува штета и на државата и на Албанците, и на сите во Македонија.

Залудно е тоа што Артан Груби секогаш кога е фатен во тесно се повикува на етничка припадност и се заканува.

Никој веќе не им верува на неговите приказни. По деловниот простор на неговиот брат, по фирмата за баждарење, по продажбата на хотелот на Попова Шапка, по тендерот за надзор вреден 22 милиони евра, сега и дивоградба станува дел од портофолиото скандали на Груби и редно време е обвинителството да се позанимава посериозно со овој лик.

Портпаролот на ВМРО-ДПМНЕ, Наум Стоилковски одговарајќи на новинарско прашање во однос на тоа што Ковачевски тврди дека нема одлагање на уставните измени и на тоа дека нема да бидат заложници на еден човек поради неговите лични интереси и зачувување на фотелјата истакна дека единствениот заложник е Димитар Ковачевски, заложник на ДУИ и на Ахмети и партнер во криминалот а уставните измени веднаш да ги стави на дневен ред.

-Единствениот повеќекратен заложник е Димитар Ковачевски, заложник е на ДУИ и на Ахмети и партнер во криминалот. Заложник е на минатото во партијата, се согласуваме дека нема одлагање, веднаш да ги стави уставните измени на дневен ред, а кога зборуваме за заложник, единствен заложник на сопствените незнаења и глупост и криминален карактер е самиот Ковачевски. Заложник на ДУИ и на Ахмети, нагласи Стоилковски.

Наум Стоилковски, портпарол на ВМРО-ДПМНЕ

Фото: ВМРО-ДПМНЕ

________________________________________________________________________________________ 

МИА овие текстови ги објавува во интегрална и оригинална форма и не е одговорна за нивната содржина, ниту за евентуалните правописни недоследности или печатни грешки.