Лондон, 28 март 2024 (МИА) - Корпоративниот егзодус од Русија од нејзината инвазија на Украина во 2022 година ги чинеше странските компании повеќе од 107 милијарди долари во изгубени приходи, покажа анализата на Ројтрес на пријавите и изјавите на компаниите, пренесе Н1.

Обемот на загубите се зголеми за една третина од август 2023 година, што укажува на степенот на влијанието на руската инвазија врз корпоративните финансии.

-Додека руската агресија продолжува поради немилосрдната западна воена помош и зголемениот опсег на западните санкции, компаниите кои сè уште имаат намера да ја напуштат Русија веројатно ќе се соочат со нови тешкотии и ќе мора да се помират со поголеми отписи и загуби, изјави директорот на колекција на информации за компанијата во консултантската фирма S-RM, Иан Маси.

Маси потсети дека рускиот претседател Владимир Путин неодамна победи на претседателските избори и обезбеди обновен мандат за продолжување на понатамошната изолација од Западот, вклучувајќи дополнителни заплени на имот и политички притисок.

Москва бара попуст од најмалку 50 отсто на продажбата на странски средства и постојано ги заострува своите клаузули за излез од рускиот пазар, честопати прифаќајќи номинален надомест од само една рубља.

Од почетокот на 2024 година беше најавена продажба на средства на Шел, ХСБЦ, Полиметал и Јандекс со вкупна вредност од речиси десет милијарди долари и со попуст до 90 отсто, наведува Ројтерс.

Компанијата Данон пред една недела доби регулаторно одобрение за отуѓување на руски средства со вкупна загуба од 1,3 милијарди долари.

Околу илјада компании веќе ја напуштиле Русија, но во таа земја уште стотина компании, според некои анализи, работат или престанале да работат.

Од друга страна, западните земји ги замрзнаа златните и девизните резерви на Банката на Русија за околу 300 милијарди долари. мс/

фото: МИА архива