Вашингтон, 28 март 2023 (МИА) - Банкарскaта комисија на Сенатот денеска ќе го одржи првото конгресно сослушување за колапсот на двете американски банки, Silicon Valley Bank и Signature Bank oд Њујорк, како и недостатоците во надзорот и регулативата, од страна на највисокиот финансиски регулатор на САД (Фед) во претходниот период.  

Комитетот ќе ги испрашува Мајкл Бар и другите официјални лица да одговорот на Владата, вклучително и нејзината итна одлука да ги осигура сите депозити во двете банки, иако огромното мнозинство го надмина лимитот од 250.000 американски долари. 

На сослушувањето во Сенатот ќе сведочат и Мартин Груенберг, претседател на ФДИЦ и Нели Лианг, потсекретар за внатрешни финансии во Министерството за финансии. Во среда, сите тројца ќе сведочат пред комисијата на Претставничкиот дом. 

Претходно, Фед потврди дека менаџментот на Silicon Valley Bank бил во најголема мерка виновен за колапсот на банката на почетокот на месецов и дека ќе се разгледа дали законот од 2018 година кој ги намали построгите банкарски правила и мониторинг, исто така, придонел за нејзиниот колапс. кб/паг/