Скопје, 19 ноември 2024 (МИА) - Од Јавното претпријатие „Македонијапат“ вечерва апелираат на внимателно управување со возилата, почитување на поставената сообраќајна сигнализација, како и прилагодување на брзината спрема условите на патот.

- Сообраќајот на државните патишта се одвива непречено, по местимично влажни коловози. Сите патни правци во државата се проодни. На одредени патни правци што поминуват низ клисури и усеци, можна е појава на поситни одрони, истакнуваат од претпријатието.

Оттаму нагласуваат дека дежурни екипи се постојано на терен и ги одржуваат проодни сите патни правци. бд/дма/

Фото: МИА архива