Скопје, 8 јануари 2026 (МИА) - Сообраќајот на државните патишта во земјава се одвива во зимски услови, по претежно влажни коловози, информираат од ЈП Македонија пат.

Слаб снег кој не се задржува на коловозот провејува на планинските превои Попова Шапка, Стража, Маврово–Брод и Буково. И покрај ваквите временски услови, сите патни правци во моментов се проодни.

Од ЈП Македонијапат предупредуваат дека на одредени патни правци кои минуваат низ усеци и клисури можна е појава на поситни одрони, поради што се препорачува зголемено внимание при возење.

Од претпријатието апелираат до возачите да управуваат внимателно со возилата, да ја почитуваат поставената сообраќајна сигнализација и да ја прилагодат брзината според условите на патот.

Дежурните екипи на ЈП Македонијапат се постојано на терен и работат на одржување на сите патни правци проодни и безбедни за сообраќај. дма/сст/

Фото: МИА архива