Симовски: На 30 март ќе бидат објавени конечните резултати од Пописот
- Првиот човек на Државниот завод за статистика Апостол Симовски најави дека конечните резултати од Пописот ќе бидат објавени на 30 март, за што се подготвува настан во салата на Филхармонија.
![Симовски: На 30 март ќе бидат објавени конечните резултати од Пописот](https://new.mia.mk/images/20221112150925_big_730x400_67.webp )
Скопје, 17 март 2022 (МИА) - Првиот човек на Државниот завод за статистика Апостол Симовски најави дека конечните резултати од Пописот ќе бидат објавени на 30 март, за што се подготвува настан во салата на Филхармонија.
-На Пописот секој граѓанин имаше право да се попише како што смета. Илузија е да се очекува да има раст на населението кога има пораст на емиграција, вели Симовски во денешното гостување во „Студио 10“ на ТВ24.
![](/articles/images/%d1%81%d0%b8%d0%bc%d0%be%d0%b2%d1%81%d0%ba%d0%b8-%d0%bd%d0%b0-30-%d0%b/mIIldZpDf/placeholder.webp?use_watermark=0)
![Попис 2021 (2)](/articles/images/попис-2021-2epp/DqX26ur7t/placeholder.webp?use_watermark=0)
-Ни емигрираат млади луѓе кои го носат наталитетот. Треба друг тип на политика. И кога ќе се направат најдобрите мерки не може да се очекува демографски бум. Секој од нас да има можност од квалитетна работа, втор фактор – можност за квалитетно образование, требаат и квалитетно здравство и добра комуникација и петто, човечките потреби да има можност секаде да се задоволат. Проблемот е и со миграцијата на внатрешно ниво, посочува Симовски.
Пописот траеше од 5 до 30 септември 2021 година. Според Државниот завод за статистика објавени веднаш по завршувањето на Пописот, беа попишани вкупно 1.832.696 лица, регистрирани се 568.175 домаќинства и 837.255 станови.
Последниот попис во државава беше одржан во 2002 година, кога вкупното население изнесуваше 2.022.547 лица. дма/са/