Мадрид, 5 јуни 2024 (МИА) – Играчот од средниот ред на Атлетико Мадрид, Саул Нигез ќе го напушти клубот ова лето, пренесува денеска шпанското издание „Релево“.

Според изворот, главниот тренер на мадридскиот тим Диего Симеоне не смета на услугите на Саул за следната сезона.

Договорот на 29-годишниот Саул со Атлетико истекува во јуни 2026 година.

Саул потекнува од младинската школа на Атлетико Мадрид, а минатата сезона одигра 49 натпревари за тимот во сите конкуренции, постигнувајќи два гола и постигна пет асистенции.

Порталот Трансфермаркт ја проценува неговата вредност на 7,5 милиони евра. ег ФОТО: Фејсбук