Вашингтон, 26 јануари 2024 (МИА) - САД денеска уништија балистичка противбродска ракета истрелана од зона под контрола на бунтовниците Хути во Јемен кон американски воен брод во Аденскиот залив, соопшти американската воена команда на Блискиот Исток (Центком).

Ракетата се движела кон локацијата на американскиот разурнувач Карни и го уништила, без жртви или штета, соопшти командата на мрежата Икс.

Од ноември американскиот разурнувач е вклучен во американските операции во обид да го запре нападот на Хутите.

Тоа е последниот напад на бунтовниците Хути во нивната кампања против бродовите што пловат по Црвеното Море и околните води што ја наруши глобалната трговија поради војната на Израел против Хамас во Појасот Газа.

Британската агенција за поморска безбедност УКМТО претходно објави дека два проектила експлодирале денеска во близина на брод во близина на јужен Јемен. паг/

Фото: Икс