Лестер, 29 ноември 2024 (МИА) - Лестер Сити го објави назначувањето на Руд ван Нистелрој за менаџер. Договорот е до летото 2027 година. Стручњакот ќе му се приклучи на клубот на 30 ноември пред натпреварот од Премиер лигата против Брентфорд.

Холанѓанецот (48) работеше во стручниот штаб на Манчестер Јунајтед од летото 2024 година. По отказот на Ерик тен Хаг, ван Нистелрој беше привремен менаџер на Манчестер Јунајтед на 4 натпревари.

На 24 ноември Лестер ја објави разделбата со Стив Купер.

Лестер е на 16. место на табелата во Премиер лигата со 10 освоени бодови. дс

Фото: Фејсбук/Лестер