Џенова, 8 март 2026 (МИА) - Рома вечерва загуби со 2:1 од Џенова во натпревар на гости од 28. коло на италијанското фудбалско првенство. 

Стрелци на головите за домаќините беа Витиња и Жуниор Месиас. За римскиот клуб погоди Еван Н'Дика.

Рома е петта на табелата во Серија А со 51 бод. Тимот од Рим пропушти шанса со победа да се доближи до врвот.

Џенова, со 30 бода, е 13-та на табелата.

Рома ќе игра против Комо на гости во следниот натпревар, додека Џенова ќе се соочи со Верона. зс/

Фото: ЕПА