Лондон, 31 март 2025 (МИА) - Возачот во Формула 1 шампионатот Оскар Пјастри ги откри причините зошто потпиша долгорочен договор со Мекларен.

Пјастри се обврза на соработка со својот сегашен тим до 2028 година. 

- Не размислував за други опции. Сакам да останам во Мекларен - не само поради брзиот болид, туку и поради уникатниот тим. Овде владее неверојатна атмосфера и мотивацијата е на високо ниво. Апсолутно сум сигурен дека со ваков колектив имам шанса да победувам. Ниту најмалку не се ​​сомневам во изгледите, инаку тешко дека би потпишал таков договор. Верувам во нашиот проект и знам дека одиме кон успеси, изјави Пјастри.

По првите две трки оваа сезона, 23-годишниот Австралиец се наоѓа на 4. место со 34 бодови, 10 помалку од лидерот Ландо Норис кој е негов тимски колега. зс/

Фото: ЕПА