Париз, 28 август 2020 (МИА) - Играчот од средниот ред на Лацио, Сергеј Милинковиќ-Савиќ може да ја продолжи кариерата во ПСЖ, пренесува „Ил Кориере дела Сера“. Според изворот, парижаните се подготвени да платат 60 милиони евра за 25-годишниот Србин. Римскиот клуб сака да добие повеќе за играчот. Самиот играч од средниот ред изјави дека би сакал да остане во Лацио. Минатата сезона Милинковиќ-Савиќ одигра 43 натпревари на сите турнири, постигна осум гола и направи пет асистенции. зс/