Скопје, 14 јули 2024 (МИА) – Врз повеќе американски претседатели и претседателски кандидати, како и врз сенатори, конгресмени и гувернери извршени се атентати. Четири претседатели на САД се убиени во атентати, а исто толкав број и ги преживеаја нападите.

Во 1865 година Линколн беше убиен од Џон Вилкс Бут, познат актер и симпатизер на Конфедерацијата, додека тогашниот претседател ја гледаше претставата „Нашиот американски братучед“ во Фордовиот театар во Вашингтон. Нападот на Бут се случи само неколку дена по предавањето на силите на Конфедерацијата во Граѓанската војна. Бут беше дел од поголем заговор кој вклучуваше обид за атентат и врз потпретседателот Ендрју Џонсон и државниот секретар Вилијам Сиворд.

Гарфилд Џејмс Абрам Гарфилд е вториот претседател на САД кој е убиен. На 2 јули 1881 година, додека шетал со својата сопруга по улиците на Вашингтон Гарфилд беше застрелан од Чарлс Џ. Гито, жесток поддржувач на фракцијата Непоколебливи. Гарфилд починал два месеца по атентатот од нестручно лекување. Тој на фнкција беше само шест месеци и пет дена.

Претседателот Мекинли беше убиен на 5 септември 1901 година од анархистот Лав Чолгос во Бафало, Њујорк. Тој бил погоден во рамо и во стомак, а му подлегнал на раните девет дена по атентатот.

Претседателот Кенеди беше убиен во Далас, Тексас, додека се возеше во претседателската поворка. Кенеди беше убиен од Ли Харви Освалд. Комисијата на Ворен, која го истражуваше убиството, во 1964 година утврди дека Освалд, поранешен маринец, кој живеел во Советскиот Сојуз, дејствувал независно.

Поранешни претседатели на САД кои преживеаја атентат се Теодор Рузвелт, Џорџ Волас, Џералд Форд и Роналд Реган.

Во 1912 година Рузвелт како поранешен претседател кога бил застрелан во Милвоки, Висконсин. Куршумот, кој останал во градите до крајот на животот, бил забавен од свитканиот говор на 50 страници и челичната кутија за за очила во џебот од кошулата. И покрај тоа што бил застрелан, Рузвелт одлучил да го одржи планираниот говор. Додека во 1933 година како новоизбраниот претседател Рузвелт беше цел на обид за атентат во Мајами, Флорида. Тој не беше повреден, но во нападот е убиен градоначалникот на Чикаго, Антон Чермак.

Волас во 1972 година беше застрелан четири пати додека водеше кампања за демократската претседателска номинација. Пукањето се случило во трговски центар во Лорел, Мериленд. Тој доживотно беше парализиран.

Во септември 1975 година во рок од 17 дена претседателот Џералд Форд беше жртва на два обида за атентат во Калифорнија. Тој при двата напади беше неповреден.

Додека претседателот Роналд Реган беше застрелан во 1981 година откако го напуштил настанот во хотелот Хилтон во Вашингтон. Тешко ранет, во болница поминал 12 дена. Напаѓачот беше Џон Хинкли Џуниор ослободен е од затвор во 2022 година.

Во 2011 година маж од Ајдахо пукаше врз Белата куќа. Тој е обвинет за атентат врз тогашниот претседателк на САД, Барак Обама.

На 13 јули за време на предизборен митинг во Батлер, Пенсилванија пукано е врз поранешниот претседател Доналд Трамп, при што тој е повреден во десното уво. ми/

фото: Википедија