Скопје, 1 ноември 2024 (МИА) - Музичкиот фестивал Андерфест ќе се одржи двечер во Младинскиот културен центар (МКЦ) во Скопје. 

Публиката и овој пат ќе има можност да ужива во музиката од претежно алтернативната и рок енд рол сцена од нашата држава. 

За шестиот Андерфест организаторите најавуваат шест добро познати бендови кои ќе ја размрдаат публиката во Денсинг салата на МКЦ. 

На Андерфест 6 ќе настапат Миа Перевска, Стефан Петановски, Basement Cult, The Mole Pack, Fiction, и Foolish Green.

Организаторите велат дека еден од врвните приоритети на фестивалот се уште е да ги мотивира младите уметници да продолжат да креираат нови музички дела со кои ќе ги покажат своите големи таленти и вештини и воедно ќе ја промовираат нашата музичка култура и вон границите на нашата држава. сст/са/