Почина пронаоѓачот на технологијата Гор-текс
- Пуштена во продажба 1976 година, оваа водоотпорна ткаенина набргу стана хит кај рекреативците тркачи и љубители на спортот на влажни временски услови.
![Почина пронаоѓачот на технологијата Гор-текс](https://new.mia.mk/images/20221104202621_big_730x400_19.webp )
Лос Анџелес, 21 септември 2020 (МИА) - Хемискиот инженер Роберт В. Гор, кој го измисли материјалот Гор-текс додека работеше во компанијата на неговиот татко Вилијам, во САД, почина на 83-годишна возраст.
Пуштена во продажба 1976 година, оваа водоотпорна ткаенина набргу стана хит кај рекреативците тркачи и љубители на спортот на влажни временски услови.
Горе почина како извршен директор на компанијата „Даблју-Ел Гор“ (WL Gore & Associates). Смртта на славниот пронаоѓач настапила во четвртокот по долго боледување.
Меѓу другото, Гор-текс денес се користи и во производството на медицински помагала, потоа - за жици за гитара, вселенски одела и вакуумски ќеси. си/сд/