Загреб, 4 март 2024 (МИА) - Хрватскиот премиер Андреј Пленковиќ денеска најави распуштање на хрватскиот Сабор најдоцна на 22 март, по што претседателот Зоран Милановиќ ќе распише избори во рок од 30 до 60 дена.

-Донесовме клучни одлуки за распуштање на Собранието и за следните избори. Првата е дека парламентарните избори ќе се одржат пред изборите за ЕП, втората е дека ова ќе биде последна седница пред распуштањето и третата е дека собранискиот извештај на ХДЗ ќе се одржи на 17 март. Генералниот секретар на партијата ќе биде шеф на изборниот штаб на ХДЗ, Нина Обуљен Коржинек ќе биде член на изборниот штаб задолжен за изработка на програмата, Влатко Вуковиќ ќе биде за финансиите, Марко Милиќ ќе биде шеф за политичка медиумска комуникација, а Кабок ќе биде портпарол на кампањата, рече Пленковиќ, пренесува Н1.

Тој ги соопшти и носителите на изборните листи.

-Јас ќе ја предводам изборната листа во Првата изборна единица, Јандроковиќ во втората, Стричак во третата, Анушиќ во четвртата, Пилетиќ во петтата, Божиновиќ во шестата, Медвед во седмата, Бутковиќ во осмата, Маленица во деветтата, Бачиќ во десеттата и Звонко Милас во 11-тата, рече Пленковиќ.

Партнерите се свесни за денешните одлуки и ги поддржаа, додаде тој. сд/