Скопје. 25 август 2025 (МИА) - Во изминатото деноноќие, полициските служби низ државата лишиле од слобода пет лица поради „безобѕирно управување со моторно возило“. Како што соопштуваат од Министерството за внатрешни работи, за настаните биле запознаени надлежни јавни обвинители и по нивно целосно документирање против лицата ќе бидат поднесени пријави.

На автопатот Скопје–Тетово, во два одделни случаи, полициски службеници од СВР Тетово го привеле А.Ј. (31) од село Долна Лешница, кој управувал „Ауди“ со брзина од 184 км/ч на место каде што ограничувањето е 80 км/ч, и Б.А. (25) од село Студеничани, кој управувал „БМВ“ со брзина од 192 км/ч на дел од патот со дозволени 100 км/ч.

Во Маврово и Ростуше, на регионален пат кај „Ростушко Анче“, В.Д. (48) од Скопје бил приведен од ОВР Дебар поради управување на „Шкода“ под дејство на алкохол, со измерени 2,90 промили во крвта.

Во Велес, во раните утрински часови на 25 август, полициски службеници од СВР Велес го привеле Д.В. (27) од Велес, кој управувал „БМВ“ со 2,28 промили алкохол во крвта.

На патот Битола–Граничен премин Меџитлија, кај село Кравари, С.С. (22) од село Средно Егри бил исклучен од сообраќај откако управувал „Фолксваген Поло“ со брзина од 107 км/ч во населено место каде што ограничувањето е 50 км/ч.ар/вј/

Фото: МИА архива