Скопје, 30 септември 2025 (МИА) - Министерството за култура и туризам соопшти дека се објавени конкурсите за доделување на државните награди „Мето Јовановски“ и „Мито Хаџи Василев-Јасмин“ за 2025 година. 

Со државната награда „Мето Јовановски“ се оддава највисоко признание за долгогодишни остварувања во областа на промоцијата, заштитата и унапредувањето на човековите права. Државната награда им се доделува на поединци, здруженија на граѓани, неформални групи и други правни субјекти

Со државната награда „Мито Хаџи Василев-Јасмин“ се оддава признание за остварувања во областа на публицистиката и новинарството. Државната награда им се доделува на поединци, група творци, екипи, установи, трговски друштва и здруженија на граѓани.

Конкурсите за државните награди „Мето Јовановски“ и „Мито Хаџи Василев-Јасмин“ за 2025 година траат од 1 до 31 октомври 2025 година. хс/вг/

Фото: МИА архива