Нуњес го сруши клупскиот трансфер-рекорд на Волвс
- Премиерлигашот Вулверхемптон објави за трансфер на Матеус Нуњес од Спортинг. Со 45+5 милиони евра поставен е нов рекорден трансфер во историјата на англискиот клуб.
![Нуњес го сруши клупскиот трансфер-рекорд на Волвс](https://new.mia.mk/images/20221113201304_big_730x400_87.webp )
Вулверхемптон, 18 август 2022 (МИА) – Премиерлигашот Вулверхемптон објави за трансфер на Матеус Нуњес од Спортинг. Со 45+5 милиони евра поставен е нов рекорден трансфер во историјата на англискиот клуб.
Волвс успеа да го убеди досегашниот фудбалер на Спортинг од Лисабон на петгодишен договор.
Договорот на 23-годишниот Португалец вклучува опција за продолжување на уште една сезона.
Според прес-службата на Волвс, овој трансфер е рекорден во историјата на клубот. Нуњес минатата сезона забележа 50 настапи во сите натпреварувања, постигнувајќи четири гола и пет асистенции. зс/