Тирана, 21 март 2026 (МИА) - Министерот за одбрана на Албанија, Ермал Нуфи, изјави дека државата е безбедна и не е заплашена од закани, вклучувајќи ги и неодамнешните изјави на српскиот претседател Александар Вучиќ. Тој додаде дека Албанија секогаш дејствува во целосна координација со сојузниците на НАТО.

„Албанија ниту се плаши ниту е заплашена од постапките на Србија, со воени вежби на границите на Косово, додал тој.

Според албанските медиуми Нуфи упатил јасна порака до Белград, нагласувајќи го фактот дека Албанија е земја членка на НАТО и дека секоја акција се презема во целосна координација со сојузниците.

Изјавата на министерот следува како одговор на интересот на медиумите за неодамнешните случувања во регионот. 

-Српскиот претседател Александар Вучиќ неодамна потврди дека Србија има хиперсонични балистички ракети воздух-земја, тврдејќи дека нема намера да нападне никого, но изрази загриженост дека во иднина Србија би можела да биде цел на напад од наводниот воен сојуз на Хрватска, Албанија и Косово, наведуваат медиумите. вт/зш/

Фото: Нуфи Фејсбук