Бејрут, 19 март 2026 (МИА) - Еден брод е погоден од непознат проектил додека се наоѓало во Оманскиот Залив, јужно од Ормуската Теснина, соопшти доцна синоќа британската организација за поморски трговски операции (УКМТО).

Бродот бил погоден кога се наоѓал на приближно 11 наутички милји (20 километри) источно од Кор Факан во Обединетите Арапски Емирати, во близина на јужниот влез на Ормуската Теснина, наведува агенцијата. Ударот предизвикал пожар на бродот, се додава во соопштението.

Досега не се познати повеќе детали за инцидентот, пренесува ДПА.

Од почетокот на американско-израелските напади врз Иран на 28 февруари бродовите во Ормуската Теснина и во Оманскиот Залив постојано се цел на проектили.

Заканата од иранските ракети и беспилотни летала речиси целосно го запре комерцијалниот бродски сообраќај во регионот од почетокот на најновите судири. јт/

Фото: ЕПА архива