Најмалку 77 мигранти удавени во бродоломот во близина на сирискиот брег
- Околу сто и педесет лица, главно Либанци и Сиријци, се наоѓале на чамецот што потона близу градот Тартус
![Најмалку 77 мигранти удавени во бродоломот во близина на сирискиот брег](https://new.mia.mk/images/20221113225636_big_730x400_6.webp )
Дамаск, 23 септември 2022 (МИА) - Најмалку 77 мигранти се удавија во близина на брегот на Сирија, откако потона чамец што исплови од Либан, изјави денеска сирискиот министер за здравство Хасан ал Габаш.
Околу сто и педесет лица, главно Либанци и Сиријци, се наоѓале на чамецот што потона близу градот Тартус.
- Бројот на жртвите достигна 77, а 20 лица се згрижени во болницата „Ал Басел“ во Тартус, појасни сирискиот министер.
Во текот на изминатиот месец, илјадници Либанци, Сиријци и Палестинци го напуштија Либан и преку море се упатија кон Европа.
Во Либан живеат околу шест милиони луѓе, вклучувајќи и повеќе од милион сириски бегалци. Над три четвртини од населението живее во сиромаштија поради економската криза во земјата од 2019 година. бд/бак/