Дака, 21 јули 2025 (МИА) – Најмалку едно лице загина, а повеќе се повредени откако авион за тренинг на Военото воздухопловство на Бангладеш се урна врз училишен комплекс во главниот град Дака, соопштија воени претставници и противпожарни служби.

Во моментот на несреќата, во близина на погоденото училиште имало деца, а локалните телевизии јавија дека делови од кампусот се во пламен.

Противпожарни екипи и припадници на војската се испратени на местото на инцидентот, а армијата во кратко соопштение потврди дека авионот F-7 BGI што се урнал припаѓал на военото воздухопловство.

Противпожарната служба потврди дека најмалку едно лице загинало, а дваесетина се повредени, вклучително и ученици. јт/

Фото: Х скриншот