Скопје, 27 декември 2025 (МИА) - Поради магла утринава на планинскиот превој Плетвар видливоста е намалена до 50 метри, а во Крушево до 30 метри.

На останатите државни патишта сообраќајот се одвива непречено, по наместа влажни коловози, информира Јавното претпријатие „Македонија пат“.

Оттаму апелираат на внимателно управување со возилата, почитување на поставената сообраќајна сигнализација и прилагодување на брзината кон условите на патот. бак/

Фото: МИА архива