Монета во чест на сер Елтон Џон
- Елтон Џон ја има добиено и титулата витез, која 1998 година му ја доделила британска кралица Елизабета Втора.
![Монета во чест на сер Елтон Џон](https://new.mia.mk/images/20221104133234_big_730x400_24.webp )
Лондон, 6 јули 2020 (МИА) - Британскиот музичар сер Елтон Џон денеска стана вториот уметник за оваа година, со ликот на комеморативна монета на британската Кралска ковница.
Паричката ја дизајнираше Бредли Морган Џонсон, а на неа се прикажани ноти, како и сламен шешир и очила, по коишто Елтон Џон е познат.
Познатиот пејач изјави дека е почестен од ова признание. Сер Елтон Џон ја има добиено и титулата витез, која 1998 година му ја доделила британска кралица Елизабета Втора.
Претходно годинава, своја монета од британската Кралска ковница доби и рок-групата „Квин“. си/