Скопје, 22 ноември 2024 година

Денес, министерот за јавна администрација, Горан Минчев, присуствуваше на свечен настан организиран од Владата на Република Македонија по повод Денот на албанската азбука – 22 ноември.

Овој ден има исклучително значење за промоцијата и зачувувањето на албанскиот јазик и азбука, кои претставуваат основа на културното наследство и идентитет на албанската заедница.

Министерството за јавна администрација останува цврсто посветено на иницијативи кои обезбедуваат еднакви можности и инклузивен пристап во јавниот сектор. Нашата цел е создавање општество во кое секој граѓанин, без разлика на етничката припадност, ќе се чувствува вреднуван и достоинствен.

Упатуваме искрени честитки по повод Денот на албанската азбука, со порака за продолжување на меѓусебното почитување и унапредување на културната разноликост како најголемо богатство на нашата држава. 
  
Со почит, 

Кабинет на министер за јавна администрација

Министерство за јавна администрација на Република Северна Македонија

________________________________________________________________________________________

МИА овие текстови ги објавува во интегрална и оригинална форма и не е одговорна за нивната содржина, ниту за евентуалните правописни недоследности или печатни грешки.

Фото: Министерство за јавна администрација на Република Северна Македонија