Метеор експлодираше над Хрватска (видео)
- Таа глетка ги вознемири граѓаните, оти според Дамир Хржина, претставник на загрепската опсерваторија Ѕвездарница, татнежот се почувствувал на доста голема површина.
![Метеор експлодираше над Хрватска (видео)](https://new.mia.mk/images/20221102215747_big_730x400_23.webp )
Загреб, 28 февруари 2020 (МИА) - Над Хрватска денеска претпладне, метеор експлодираше при влез во Земјината атмосфера. Зад него остави димна трага и делови распрскани ширум земјата.
Таа глетка ги вознемири граѓаните, оти според Дамир Хржина, претставник на загрепската опсерваторија Ѕвездарница, татнежот се почувствувал на доста голема површина.
https://www.facebook.com/index.hr/videos/201948047562874/?t=11
- Неколку луѓе ни се јавија дека го чуле ударот. Навистина, и мене ми се јави сопругата - го виде метеорот и токму при нашиот разговор, се слушна силен звук, раскажува Хржина. Тој ги контактирал колегите од Хрватската метеорска мрежа која ги проверува податоците и можеби ќе почнат потрага по остатоците од вселенското тело.
Властите засега немаат никакви дојави за каква било штета или повредени поради експлозијата на метеорот. си/ссм/