Ленс, 2 јануари 2023 (МИА) - Ленс синоќа го победи ПСЖ со 3:1 во натпревар од 17. коло на францускиот фудбалски шампионат. За парискиот тим овој пораз беше прв во сезоната 2022/23.

Полскиот играч за врска Пжемислав Франковски ги доведе домаќините во предност во 5. минута, но парижаните речиси веднаш возвратија благодарение на голот на Хуго Екитика. Во средината на првото полувреме Луис Опенда го постигна вториот гол и екипите заминаа на пауза со резултат 2:1. На почетокот на вториот дел Алексис Клод Морис го зголеми водството на Ленс. Неговиот гол беше единствениот во второто полувреме.

Ѕвездите на парискиот тим Нејмар и Лионел Меси го пропуштија натпреварот. Бразилецот беше отсутен поради дисквалификација, додека Меси доби одмор по СП 2022 година.

Ленс, кој е на второто место во поредокот, ја намали разликата од водечкиот ПСЖ на 4 бода. зс/