Лондон, 2 јануари 2026 (МИА) – Досегашниот фудбалер на лондонски Тотенхем, Бренан Џонсон, потпиша денеска договор на четири и пол години со градскиот ривал Кристал Палас.

Како што објавија британските медиуми, Кристал Палас го ангажираше Џонсон за клупски рекорден трансфер од 35 милиони фунти.

„Навистина сум возбуден и среќен. Кристал Палас е толку голем клуб, клуб на кој му се восхитував. Одлично време е да се биде во клубот и да се биде дел од патувањето на кое се движи Палас“, рече 24-годишниот велшки фудбалер.

Според најавите, Џонсон ќе дебитира в недела против Њукасл во недела и ќе го носи дресот со број 11.

Претходниот рекорден трансфер на Кристал Палас беше во 2016 година, кога лондонскиот клуб плати 32 милиони фунти за тогашниот напаѓач на Ливерпул, Кристијан Бентеке. ег

ФОТО: ЕПА