Скопје, 2 јули 2021 Почитувани граѓани, почитувани новинари, Пратениците на ВМРО-ДПМНЕ остануваат на спротивната страна од интересите на граѓаните и државата. Тимчо Муцунски од ВМРО-ДПМНЕ упорно не ја закажува седницата на Комисијата за финансирање и буџет на која треба да се расправа за ребаланс на Буџетот за 2021 година. Со овој потег, ВМРО-ДПМНЕ повторно покажа дека е против мерките што обезбедуваат економски раст и повеќе пари кај граѓаните. ВМРО-ДПМНЕ е против повеќе пари за активни мерки за вработување, кои се предвидени со ребалансот на буџетот. ВМРО-ДПМНЕ предводена од Мицкоски е против намалување на ДДВ за електрична енергија од 18 на 5 отсто. ВМРО-ДПМНЕ е против повеќе пари за образование, за социјална заштита, за здравство и за зголемување на платите во неколку сектори. ВМРО-ДПМНЕ е против повеќе пари за субвенциониран студентски оброк и подигнување на стандардот на 40.000 студенти. Додека СДСМ се грижи за граѓаните, за економијата, ВМРО-ДПМНЕ прави се за да ги кочи мерките и политиките што го подобруваат животот на граѓаните. ВМРО-ДПМНЕ продолжува да се води од личните интереси на Мицкоски, СДСМ продолжува да се води од интересите на граѓани. Таа разлика граѓаните ја препознаваат и својот став ќе го кажат на локалните избори каде ќе испорачаат нов пораз на нереформираното ВМРО-ДПМНЕ. Прес-конференција, Бисера Костадиновска Стојчевска, пратеничка на СДСМ СДСМ - Центар за комуникации со јавноста

_________________________________________________________ МИА овие текстови ги објавува во интегрална и оригинална форма и не е одговорна за нивната содржина, ниту за евентуалните правописни недоследности или печатни грешки.