Комисијата за заштита од дискриминација и Народниот правобранител потпишаа Меморандум за соработка
- Комисијата за спречување и заштита од дискриминација и Народниот правобранител, денеска во Скопје потпишаа Меморандум за соработка со кој се истакнува посветеноста на двете страни да работат заедно за унапредување и заштита на правата на сите граѓани.
![Комисијата за заштита од дискриминација и Народниот правобранител потпишаа Меморандум за соработка](https://new.mia.mk/images/20230307123847_big_730x400_58.webp )
Скопје, 7 март 2023 (МИА) - Комисијата за спречување и заштита од дискриминација и Народниот правобранител, денеска во Скопје потпишаа Меморандум за соработка со кој се истакнува посветеноста на двете страни да работат заедно за унапредување и заштита на правата на сите граѓани.
Меморандумот го потпишаа претседателот на Комисијата за спречување и заштита од дискриминација, Исмаил Камбери и Народниот правобранител, Насер Зибери. Како што се наведува во соопштението, потписниците се согласуваат да соработуваат во насока на остварување на човековите права и слободи, согласно надлежностите кои се утврдени со Законот за Народниот правобранител и Законот за спречување и заштита од дискриминација.
![Меморандум за соработка КЗСД и НП](/articles/images/комисијата-за-заштита-од-дискриминација-и-народниот-правобранител-потп_90S3q/unIMWJfVq/placeholder.webp?use_watermark=0)
КСЗД и Омбудсманот, како што се посочува, заеднички ќе преземаат едукативни активности и соодветни истражувања за промоција на принципот на еднаквост и начелата на недискриминација, ќе соработуваат при организирање на јавни дебати, работилници, конференции и кампањи и други едукативно-промотивни настани, со цел подигање на свеста кај јавноста. Меѓусебно стручно ќе соработуваат при постапување по претставки и конкретни случаи на дискриминација, како и ќе разменуваат достапни информации, мислења и препораки од областа на еднаквоста и заштитата од недискриминација. ев/аа/