Ријад, 12 јули 2024 (МИА) - Играчот од средниот ред на Манчестер Јунајтед, Касемиро може да ја продолжи кариерата во друг клуб, пренесува „Екип“. 32-годишниот Бразилец е блиску до преселба во Ал-Итихад од Саудиска Арабија, тврди изданието.

Касемиро игра за Манчестер Јунајтед од летото 2022 година. Во сезоната 2023/2024 забележа 32 настапи во сите натпреварувања, постигнувајќи 5 гола и 3 асистенции. Различни извори споменуваат цена од 35 милиони евра како доволна за комплетирање на зделката.

Бразилскиот играч од средниот ред имаше неубедлива сезона, што доведе до тоа Јунајтед да размислува за негова продажба. На 32 години покажува знаци на замор и изгледа бавен со топката.

Разделбата со Касемиро ќе им овозможи на „црвените ѓаволи“ да инвестираат во помлади играчи, во согласност со визијата на менаџерот Ерик тен Хаг за градење конкурентен тим. дс

Фото: Архива