Вашингтон, 1 јули 2025 (МИА)  - Специјалниот претставник на американскиот претседател за Украина и Русија, Кит Келог, изјави дека тврдењата на руските претставници дека САД и Украина ги одложуваат преговорите се неосновани.

-Неодамнешните коментари на портпаролот на рускиот претседател Дмитриј Песков за состојбата на преговорите се орвеловски. Претседателот Доналд Трамп беше доследен и непоколеблив во својата посветеност кон напредокот за завршување на војната, рече Келог во емисијата „Платформа X“.

Тој повика на итен прекин на огнот и премин кон трилатерални разговори за завршување на војната.

-Русија не може да продолжи да одолговлекува додека бомбардира цивилни цели во Украина, рече Келог. сд/

фото:МИА архива