Иницијатива против урбано дивеење: Можеме да прогласиме победа со усвојување на ДУП-от СЗ 16
- СООПШТЕНИЕ - После цели шест години битка, конечно Иницијативата против урбаното дивеење може да прогласи победа!
![Иницијатива против урбано дивеење: Можеме да прогласиме победа со усвојување на ДУП-от СЗ 16](https://new.mia.mk/images/20240217140831_big_730x400_92.webp )
Скопје, 17, февруари 2024
После цели шест години битка, конечно Иницијативата против урбаното дивеење може да прогласи победа!
Имено на денешната седница на Советот на општина Ѓорче Петров е усвоен ДУП-от СЗ 16 кој конечно предвидува урбанизација и многу нови зелени површини за централниот дел од општината.
Со овие проекти конечно централното подрачје во нашата општина ќе добие објекти кои се од исклучителна важност за непречено секојдневно функционирање и голем број на нови зелени површини.
Шест години нашата битка беше против насилна бетонизација на општината. Конечно имаме слух за нашите барања.
Новите паркови и зелени површини конечно стануваат реалност.
Упатуваме искрена благодарност за соработката до Министерот за одбрана, Славјанка Петровска, Министерот за транспорт и врски, Благој Бочварски и Градоначалникот на општина Ѓорче Петров, Александар Стојкоски.
Оваа е една убава историја за сите Ѓорчепетровци и пример како треба да се работи во интерес на граѓаните!
Иницијатива против урбаното дивеење
__________________________________________________________
МИА овие текстови ги објавува во интегрална и оригинална форма и не е одговорна за нивната содржина, ниту за евентуалните правописни недоследности или печатни грешки.
Фото: МИА архива