Тел Авив/Техеран, 16 март 2026 (МИА) - Израелската војска објави уништување ирански владин авион, кој наводно го користел покојниот врховен лидер, ајатолахот Али Хамнеи.

„Ова го лиши иранскиот режим од уште една стратешка предност“, соопштија денеска Израелските воздухопловни сили во објава на персиски јазик на X.

Се вели дека авионот се користел за домашни и меѓународни летови.

Хамнеи беше убиен на 28 февруари во израелски воздушен напад во иранскиот главен град, Техеран.

Се верува дека поранешниот шеф на државата не летал во странство по неговото назначување за верски лидер во 1989 година. Сепак, повремено патувал во иранските провинции.

Аеродромот Мехрабад, дом на флотата на иранската влада, беше бомбардиран повеќепати во последните денови. мс/сд/

фото: „Х“