Струмица, 12 мај 2025 (МИА) - Синоќа во 01:15 часот, во близина на браната „Водоча“, кај Струмица, изгоре викендичка, информираа од ТППЕ Струмица.

Според информацијата од струмичките пожарникари, пожарот бил пријавен од случајни минувачи и бил во поодмината разгорена фаза.

-Во гаснењето на пожарот ТППЕ Струмица учествуваше со три против пожарни возила и 6 пожарникари. Веднаш по пристигнувањето беше спречено неговото ширење, а потоа пристапено кон негово целосно ликвидирање, се наведува во информацијата.

Причинета е голема материјална штета, а причините за пожарот дополнително ќе се утврдуваат. рт/дма/

Фото: ТППЕ Струмица