Тетово, 19 ноември 2022 (МИА) - Здружението на ликовни уметници на град Тетово вечер ќе ја отвори ревијалната колективна изложба „Зимски Салон 2022“ на која ќе се претстават 46 негови членови. -Станува збор за традиционална сезонска изложба на 46 визуелни уметници кои ќе се претстават со исто толку 46 уметнички дела. Создадени се дела од областа на сликарство, вајарство, графика, графички дизајн и фотографија, информираат од Здружението. Изложбата ќе биде поставена во просториите на Националната установа Уметничка галерија Тетово со почеток во 19 часот. ас/мч/