Затвор во Велс претворен во раскошна вила од 2,55 милиони евра
- Цената на имотот е 2,15 милиони фунти, а тој е опкружен со многу зеленило и шуми од едната и - морето од другата страна. Имотот е посебен и по својата историја, стара со векови... Меѓу другот
![Затвор во Велс претворен во раскошна вила од 2,55 милиони евра](https://new.mia.mk/images/20221112150354_big_730x400_88.webp )
Кардиф, 16 март 2022 (МИА) - На пазарот за недвижности во Велс се појави поранешен затвор претворен во несекојдневна вила. Наречена „Coes Faen Hall“, т.е. меѓу мештаните позната како „Куќа на часовникот“, таа се наоѓа во Гвинед - на границата со Националниот парк Сноудонија.
Цената на имотот е 2,15 милиони фунти (2,55 милиони евра), а тој е опкружен со многу зеленило и шуми од едната и - морето од другата страна. Имотот е посебен и по својата историја, стара со векови... Меѓу другото, познато е и тоа дека порано бил судница и затвор.
Занданите и ќелиите се претворени во соби, а просторијата со стаклен прозорец што денес се користи за гледање филмови, порано се користела за следење на тунелите во кои затворениците се движеле. Денешната дневна соба порано била судницата, а вилата има и шест спални, четири дневни соби, четири бањи и вежбалница.
Кујната на отворено води до верандата, која се протега околу зградата и нуди панорамски поглед на планините и морето. Вилата е силно осветлена благодарение на големите прозорци, а оригиналниот градежен камен е одлично комбиниран со современите модерни детали.
Ова место овозможува бројни активности - риболов, едрење, кајакарство, до сурфање на ветер и гледањето делфини и фоки. си/ссм/
![Велс вила 3](/articles/images/%d0%b7%d0%b0%d1%82%d0%b2%d0%be%d1%80-%d0%b2%d0%be-%d0%b2%d0%b5%d0%bb%d/xpOc3PiFk/placeholder.webp?use_watermark=0)
![Велс вила 2](/articles/images/%d0%b7%d0%b0%d1%82%d0%b2%d0%be%d1%80-%d0%b2%d0%be-%d0%b2%d0%b5%d0%bb%d/8FsTt2y9u/placeholder.webp?use_watermark=0)
![Велс вила 1](/articles/images/%d0%b7%d0%b0%d1%82%d0%b2%d0%be%d1%80-%d0%b2%d0%be-%d0%b2%d0%b5%d0%bb%d/yAhscLK0z/placeholder.webp?use_watermark=0)