Скопје, 18 јули 2024 (МИА) - Обединетата македонска дијаспора (ОМД) и нејзиниот локален партнер во земјава, Македонскиот центар за меѓународна соработка (МЦМС) денеска во Скопје ќе одржат прес - конференција по повод завршувањето на осмата летна програма Birthright Macedonia (Родум од Македонија!) за културно сплотување и професионална практична работа.

Четворица студенти од Канада и Нов Зеланд беа на тринеделен студиски престој во земјава. Викторија Јосифова, Андреј Петрушевски, Хенарата Пишиеф и Велица Мангос учествуваа во студиска програма прилагодена на нивните академски цели, кариерни аспирации и лични интереси. Нивната пракса беше во Адвокатско друштво ДДК, Ветеринарна болница Скопје, Лимитлес Солушнс и ЦЕДУЗ.

Заедно со нивната редовна практична работа, програмата содржеше „Тематски среди“, за време на кои студентите ги посетуваа културните, политичките и деловните институции и комуницираа со бизнис заедницата и граѓанските организации. За време на викендите, учениците ги истражуваа Скопје, Охрид и Битола, а овој викенд присуствуваа и на традиционалниот и познат фестивал Галичка свадба. 

-Завршната прес -конференција на завршната церемонија на програмата Birthright Macedonia во Скопје е да се збогуваме со овие прекрасни Македонци кои доживотно ќе ја задржат врската со своите корени, наведуваат организаторите. вг/мч/

Фото: ОМД фб