Заврши Битолско културно лето „Битфест“
- Со концерт за паметење кој го приредија членовите на групата „Меморија“, синоќа во Битола заврши битолското кулурно лето „Битфест“.
![Заврши Битолско културно лето „Битфест“](https://new.mia.mk/images/20221113212701_big_730x400_60.webp )
Битола, 4 септември 2022 (МИА) - Со концерт за паметење кој го приредија членовите на групата „Меморија“, синоќа во Битола заврши битолското кулурно лето „Битфест“.
Во изминатите два и пол месеци на повеќе летни сцени во Битола се одржаа концерти на класична, поп, рок, џез-музика, театарски претстави, ликовни изложби, уметнички перформанси, фестивали…
- Граѓаните дадоа поддршка на сите манифестации, на 140 настани со повеќе од 44.000 посетители, 77 денови, 9 фестивали…Почнавме спектакуларно со Каролина Гочева, фасцинантно завршивме со „Меморија“, групата на нашата младост, групата која ја возвишува македонската рок-музика, истакна градоначалникот на Општина Битола, Тони Коњановски, на последната фестивалска вечер што се одржа на ракометното игралиште.
За време на сите фестивалски денови, во Битола гостуваа уметници и културни работници од Израел, Полска, Чешка, Швајцарија, Турција, Шпанија, Италија, Колумбија, САД, Србија, Полска, Црна Гора, Албанија, Франција… мт/рп/
![Тони Коњановски](/articles/images/%d0%b7%d0%b0%d0%b2%d1%80%d1%88%d0%b8-%d0%b1%d0%b8%d1%82%d0%be%d0%bb%d1/QvIs4bqhO/placeholder.webp?use_watermark=0)