До 13 часот излезеноста во Струга е 17 отсто, во Вевчани над 33 проценти
Струга, 19 октомври 2025 (МИА) - Над 17 отсто од вкупно 62.711 гласачи во општина Струга денеска до 13 часот го оствариле своето право да гласаат на локаните избори. Во Вевчани излезеноста е 33,76 проценти од 2.090 регистрирани гласачи.
Претседателите на општинските изборни комисии, Минир Жута и Менка Кукоска информираат дека изборниот ден тече мирно и без нерегуларности во двете општини.
Поголема излезеност очекуваат во попладневните часови.
Во Струга се гласа на 101 избирачко место, а граѓаните избираат меѓу девет кандидати за градоначалник и 10 советнички листи. Во Вевчани се избира меѓу тројца кандидати за градоначалник и четири листи за советот. сс/вј/
Фото: МИА
