Тетово, 2 ноември 2021 (МИА) -  Здружението Мултикултура во соработка со Правната Клиника „Про Боно“ при Правниот факултет на Универзитетот на Југоисточна Европа организираше дебата на тема „Бесплатна правна помош - предизвици и решенија“. Дебатата се одржа во просториите на Универзитетот, со учество на студенти и други засегнати страни. - Учесниците имаа можност да дознаат повеќе за нивното право на бесплатна правна помош, како и за условите за одобрување на истата, информираат од Мултикултура. Ова активност се организира во рамки на проектот „Бесплатна правна и психолошка помош за минимизирање на последиците од Ковид-19 кај граѓаните во Полошкиот регион“. ас/мс/